Ohiko galderak
Auzokide eta eragileak elkartzeko plaza birtuala da. Baliabideak konpartituz eragileek errazagoa daukate informazioa auzokideengana bidaltzeko. Gainera eragileetaz gain edonork dauka aukera bere gogoetak eta iragarkiak argitaratzeko.
Bestetik eragileen arteko ezagutza areagotuko da eta elkarlanak eta agendan elkar ez zapaltzea ahalbidetu da.
Igotako albisteak zabaltzea gure arduretako bat da, egunerokoan jasotako azken albisteak zabaltzen ditugu Telegram eta Whatsapp kanaletan eta Mastodon, Instagram, Facebook eta Twitterren. Zabalpen hau ekitaldiaren egunean edo bezperan ere egiten dugu.
Horretaz gain astelehenetan posta elektroniko bidezko harpideei buletin bat bidaltzen diegu asteko agenda eta azken egunetako albisteekin. Asteko agenda, Telegram eta Whatsapp kanaletan zabaltzen dugu baita. Beraz Agendan doazen ekitaldiak gutxienez astebeteko aurrerapenarekin bidaltzea gomendatzen dugu buletinean ager daitezen.
Menu nagusian ageri den "Bidali Albistea" orrialdearen bidez egin behar dira bidalketak. 3 mota daude; Agendako ekitaldiak, Iragarkiak (Gauzak trukatu, saldu edo bilatzeko) eta Ahotsak (Albisteak, iritzi artikuloak...)
Bai mesedez, auzoari buruzko zerbait esateko baduzu aurrera. Ahots/Artikulu bat, ekitaldi bat, iragarki bat edo gidan eragile bat...
Bai, argitalpenak egin ostean aldaketak egin edo ezabatzeko aukera dago, baina bidali aurretik webgunean saioa hasi beharra dago. Bestela aldaketarako aukerarik ez da egongo.
Bai, webgunean bertan sortutako inprimakiak egin eta argitalpenetan gehitzeko aukera dago. Beharra duen orok kontaktua atalaren bitartez eskaera egin diezaguke.
Normalean guk geuk prestatuko ditugu baina interesa eta beharra duten erabiltzaileei hauek sortzeko baimena emango diegu.
Adibidez ondorengoak guk egin genituen: Porrontxo jaietako bazkarira apuntatzeko, elkartasun kaxuelitetara apuntatzeko.
Azoka txikiko erabiltzaileak inprimakiak bere kaxa egiten ditu eta Valentziako eskaeretarako inprimakiak egiten ditu besteak beste.
Bideoak albiste batean txertatzeko bi modu daude; Peertube (gomendatua) edo Youtubera igo dezakezu eta bideoaren esteka ekitaldi edo ahotsetako testuan txertatu dezakezu, bestela bideo fitxategia orrialde honetara igo dezakezu eta guk gehituko dugu zuk sortutako albistean.
Erabiltzaileek ezin dituzte igo baina guk ahots edo ekitaldietan gehitu ditzakegu arazorik gabe, beraz modu bakarra guri eskatzea da.
PDF adibide bat Zure Ahotsa atalean.
Alde batetik Egia Bizirik bizilagun elkarteak urteko oinarrizko gastu teknikoak ordaintzen ditu, beste alde batetik Gordegia Egiako Artxibategi Grafikoak bere webgunerako erabiltzen dituen baliabideak partekatzen ditu eta azkenik bolondres lan ugarirekin egiten du aurrera.
Bai noski, edozein ekarpen oso ongi etorria da. Ideia zehatzik ez baduzu hemen landu daitezkeen arlo batzuk:
- WordPress edo webguneen garapena
- Sare sozialak
- Komunikazioa / Propaganda
- Eragileekin harremana
- Diruzaintza
- ...
Gurekin harremanetan jartzeko kontaktua inprimakia erabili mesedez, eskerrik asko.
Saioa hasi gabe dauden argitalpenak "umezurtz" daude, inork ezin da hauetan aldaketarik egin. Erabiltzaile bat baduzu umezurtz dagoen argitalpen bat zure erabiltzailarekin lotzea eskatu dezakezu kontaktua atalean, honela aldaketak egin ahalko zenituzke.
Bai baina badira bete beharreko baldintza batzuk Zure Ahotsa eta Agendan argitalpenak egiteko:
- Ekimenaren kokapena auzoan egotea.
- Urteko ekimen garrantsitsuenak jartzea soilik.
Salbuespenak:
- Auzoko herri mugimenduko eragileekin elkarlanean antolatuak diren ekimenen kasuan oso ongi etorriak lirateke, ez legoke baldintzarik.
- Eragile Gidan ez dago baldintzarik, bertan argitalpenak egitea libre da.
Mugak jartzeko arrazoia herri mugimenduko eragileen argitalpenak ez estaltzea da, hau ekiditeko modua bilatzen dugunean baldintzak kenduko ditugu.
Agenda
Bai, Agenda atalean ekitaldi bat argitaratzen dugunean egun eta ordu desberdinetan errepikatzeko aginduak eman ditzakegu.
Aukera desberdin mordoa dago, egunero, astero, hilabetero eta data zehatzetan. Errepikapenen bukaera data jartzea gogoan izan!
Errepikapen agindu bat baino gehiago eduki ditzakegu, adibidez astero errepikatu dadila agindu bat izan daiteke eta horretaz gain data zehatz batean errepikatzea beste bat.
"Gehitu ekitaldi gehiago" botoia sakatuta errepikapen aginduak gehitu ditzakegu, hauek ezabatzeko aginduen eskubialdeko zakarrontzian sakatu dezakegu.
Egunero
Egunero errepikatuko da nahi dugun arte, bi edo hiru egunean behin errepikatzea agindu ahal diogu.
Astero
Astero errepikatuko da, zehaztutako egunetan. 1, 2... edo 6 astean behin errepikatzea ere agindu ahal diogu.
Hilabetero
Aukera mordoa dauka atal honek, adibidez: hilero egun berean, hileko lehengo asteazkena, azkenengo osteguna, 13 zenbakidun eguna...
Urtero
Egun berean edo beste batean, eta hilabete batean edo ugaritan errepikatu daiteke.
Behin
Urteko edozein egun aukeratu dezakegu, baita ordua aldatu ere.
Atarian datozen egunetako lehengo 6 ekitaldiak daude, igotako ekitaldia beranduago ospatuko bada data gerturatzen den heinean agertuko da orri nagusian. Bitartean Agenda orrialdean ikusi dezakezu.
Bere zabalpenari dagokionean, Telegram kanalean eta sare sozialetan argitaratuko da eta posta harpidedunei bidaliko zaie.
Agendan ekitaldiak bildu nahi ditugu. Egun zehatzetan gertatuko diren ekitaldietarako deialdiak hain zuzen, hauen inguruko informazio eta hausnarketekin batera.
Zure Ahotsa atalean bestelako artiluluak biltzen dira, egun zehatz batean gertatuko ez direnak. Hausnarketa eta komunikatuak, liburu baten berri eman, bideo baten argitalpena...
Argitalpenak bata edo bestean egitea eskatzen dugu, edukiak ez errepikatzea alegia.
Agenda honen helburu nagusia auzokideen iniziatibaz sortutako ekimenak biltzea da, elkarte, eragile, talde, mugimendu zein norbanakoen zerbitzura dago.
Agenda instutuzional edo komertzialetan agertzen diren ekimenak printzipioz ez dira atal honetan argitaratu beharko. Salbuespenak badaude ordea; adibidez auzoko eragile herrikoien ekimenak badira, instituzioekin elkarlanean eginak edo ezohiko ekitaldiak badira.
Gertaerak Egian edo Egiari buruzkoak izatea lehenesten dugu, baina Donostia edo Euskal Herri mailako gertaera bereziak sartzea ere ondo deritzogu. Auzokoak lehenetsiz oreka bat bilatu nahiko genuke. Beste herri batean auzoarekin edo auzokideekin erlazionatutako ekitaldirik balego ere ongi etorria litzateke.
Saioa hasi gabe dauden argitalpenak "umezurtz" daude, inork ezin da hauetan aldaketarik egin. Erabiltzaile bat baduzu umezurtz dagoen argitalpen bat zure erabiltzailarekin lotzea eskatu dezakezu kontaktua atalean, honela aldaketak egin ahalko zenituzke.
Harpidetzak eta sare sozialak
Hauek dira aukera desberdinak:
- Telegram kanala aukera honena iruditzen zaiguna.
- Whatsapp kanala
- Sare sozialak: Mastodon, Instagram, Twitter eta Facebook sare sozialetan ere jarraitu gaitzakezu.
- Posta elektroniko bidezko harpidetza.
Telegram aplikazioaren kanalak norabide bakarrekoak dira, kudeatzaileok mezuak bidali ditzakegu baina jendeak ezin du erantzunik idatzi.
Kanalean harpidetza egitea webguneko argitalpenen berri izateko modu eragingorrena iruditzen zaigu, harpidetza egiteko Telegram aplikazioa mugikorrean/tablet/ordenagailuan instalatuta edukitzea beharrezkoa da.
Kanalaren jakinarazpenak ixilarazi daitezke zaratak gogaitzen bagaitu, baditu bestelako aukerak ere.
Harpidetza klik batekin egiten da eta nahi dugunean eten genezake, baita berriz harpidetu ere.
Esteka honekin ireki daiteke kanala edo Telegrameko bilatzailean "gora egia" bilatuta agertuko zaigu.