Apirilaren 19an, 18:45etan (KONTUZ ORDU-ALDAKETA!), Zineforuma Egiako Kulturetxean: ANE, David P. Sañudo, Euskal Herria, 2020.  

Aurkezpena egiteko, filmeko protagonista Jone Lazpiur izango da gurekin; film honetan egindako lanagatik 2021ean Emakumezko errebelazio aktore onenaren Goya Saria jaso zuen.

Gasteiz, 2009 urtea. Etxebizitza batzuen berehalako desjabetzearen ondorioz bere auzoan izandako istiluen ondoren, Lidek, abiadura handiko trenaren obretan segurtasun-zaindari gisa lan egiten duen ama gazteak, bere alaba nerabea, Ane, etxera lotara joan ez dela jakingo du. Lide, bere senar ohi Fernandorekin batera, alaba non dagoen ikertzen hasiko da, baita Aneren munduan sartzen eta ezezagun baten ondoan bizi izan dela konturatzen ere.  

Jatorrizko bertsioa euskaraz, azpitituluak espainieraz.