Gaurko irteeran Satrustegi mendiko bi tontor esanguratsuenak igoko ditugu: Gaztelu (998m) eta Txurregi (1.121m).

Errozko plazatik (496m) herriko sarreraraino jaitsiz hasiko dugu ibilaldia, errepidea gurutzatu eta Urritzolarako norabidea hartuko dugu.

Arakil ibaiaren gaineko zubi ederra zeharkatu eta metro gutxira, Gazteluko Ipar isurialdetik igotzen den bidezidorra ezkerretara hartu eta artadi eta haritzen basoan barneratuko gara.

1,8 Km-ra, bidexkak bat egiten du Urritzolatik datorren bidearekin. Bidegurutzean, kartel hori batzuk dituen zutoin bat ikusiko dugu. Altura irabazten doan heinean hariztia utzi eta pagadi eder batean zehar ibiliko gara. 800 m-ko kotara iristean norabidea erabat aldatuko dugu, ezkerrerantz desbideratuz ekialderantz, Gaztelu inguratuz igotzen jarraitzeko, gure oinetan Errotzeko ikuspegia eta Oskiako haitzartea gozatuz. Lepora iritsita, azken igoera egitea besterik ez zaigu geratzen, bere ekialdeko isurialdeko belardian zehar, tontorrera iristeko.

Behin Gaztelu gainera iritsita, Ollo bailara eta Sakanako ikuspegi zoragarriaz gozatuko dugu, baita Txurregiko azken pala eta Satrustegiko mendilerroa igotzeko aurre egin beharko dugun tarteaz ere. Iparraldean Irurzun, Bi Ahizpen pasabidea, Larrazpil, Akier eta Aralar osoa Altxueta eta Santutegiraino.

Haizetik babesteko, Orarregiko gazteluko dorre zirkularra izan zenaren aztarnak aprobetxatuko ditugu.

Gaztelutik Olarregiko lepora jaitsiko gara. Hemendik bi aukera izango ditugu:

A aukera: Txurregiraino azken zatia igotzen jarraitu. Igoerak ez du galerarik, bide osoa ia lerro zuzenean doa %30-35eko malda duen alanbre-hesiarekiko paraleloan.

Behin gailurrera iritsita, buzoia 200 m. eskuinera aurkitzen da. Txurregi batzuetan piramide gisa ikusten den arren, benetan bere tontorra mendilerro osoan zehar jarraitzen duen tontor erraza da.

Indarrak berritu eta argazkiak atera ondoren, Ollo herrira jaitsi eta B aukera egin dutenekin elkartuko gara.

B aukera: Olarregiko lepotik Ollarantz jaisten hastea, Txurregira igotzeari uko eginez

(oso eguraldi txarra eginez gero, Ollaraino iristeko modurik azkarrena izango litzateke)

Zailtasuna: Erraza  A aukera:   9 km   ↑ 877 mt ↓ 805 mt

  B aukera:   8,2 km   ↑ 614 mt ↓ 543 mt

IZENA EMATEKO: Adingabeek heldu batekin joan behar dute.

-Latxaga, Aitor Ikastola Konkorrenea. 

-Mª Reina Ikastola 

-Intxaurrondo Hegoa Ikastola 

-Lauaizeta

 GALDETEGIA