Beste urte batez, Andia mendilerrora itzuliko gara Euskal Herriko Zentroaren eguna ospatzeko. Aurten, Euskal Herriko eta Nafarroako Mendi Federazioen batasuna aldarrikatu eta bultzatu nahi dugu, bi federazioek 1924an egin zuten adierazpenaren mendeurrenarekin bat eginez. Adierazpen horren ondorioz, bi federazioek bat egin zuten, eta, ordutik, autonomia-estatua sortu zen arte, orduan banandu behar izan baitziren.

Oraingoan ibilbide motzena aukeratu dugu, baina desnibel handienekoa Mendilerroko igoeran.

09:30ean hasiko dugu martxa, Irañetako bordatik abiatzen den zutabearekin (iturria dago); Irañetako haritz monumentalak gordetzen dituen basoan dago. Beste zutabe bat Senosiaindik abiatzen da 08:45ean, biek Erdigunean bat egiteko.

Igoera apurka-apurka biziagoa izango da (makilak gomendagarriak dira, batez ere bidezidor beretik egiten den jaitsierarako) basoaren babesean Irañetako mendateraino iristen den harkaitzaren azken zatiraino. Bertatik ikuspegi ezin hobeak daude: Aralar eta Sakana iparraldean, Pirinioak eta Iruñerria ekialdean, Urbasa eta Andia hegoaldean eta San Donato medebaldean.

Hortik aurrera, larreetan zeharreko ibilaldi ia desnibelik gabeaz gozatuko dugu Euskal Herriko Etxera iritsi arte. Bertan, trikitixaren soinuaz lagundurik bazkalduko dugu eta 11:30etan aldarrikapen ekitaldia izango da.

2004ko urrian, Felix Isasa ingeniariak azterlan bat argitaratu zuen. Bertan, bere kalkuluen arabera, Euskal Herriko barikexa edo masa-zentroa Nafarroako Unanu, Ihabar eta Goñi herrien artean kokatzen zuen, Olibesarioko Saroia izeneko leku batean, Lezitza menditik hurbil, Andia mendilerroan. Harrezkero, Euskal Herriko Erdigunea izenez ezagutzen da eta bere koordenatu geografikoak hauek dira:

42° 52´ 59´´ N ,  1° 56´ 08´´ W     /    42.88306 °  N ,  1.93556 ° W

 

Bertan, harrizko monolito txiki bat jarri zen, gaur egun, bere inguruan, harrizko zirkulu zentrokide batzuk dituena.

 

2011ko urriaren 30ean, Irurtzungo eta sakanako mendizaleak mendi-taldeek, Independentistak sarearekin batera, lehenengo Euskal Herriko Erdigune Eguna antolatu zuten, 2015ean errepikatuko zena, eta ordutik urtero urriko bigarren igandean ospatzen dena.

 

Luzera  10,5 km ↑ 862 m ↓ 862 m

 

IZENA EMATEKO: Adingabeek heldu batekin joan behar dute.

 

-Latxaga, Aitor Ikastola Konkorrenea. 

-Mª Reina Ikastola 

-Intxaurrondo Hegoa Ikastola 

-Lauaizeta

FORMULARIOA

Ikusi datozen irteera guztiak