Soinu ekipoa Gora Egia!-n eskatu daiteke

Eragileen eskura dagoen soinu ekipoa Gora Egia! webgunearen bidez eskatu daiteke gaurtik aurrera. Duela zenbait urtetik eragileek ekipo herrikoi hau erabili izan dute haien ekitaldiak soinuztatzeko: Subizi gaua, Eskubaloi txapelketa eta jaialdiak, Garagardo azoka, Porrontxo Jaiak, Euskara eguna, Teila Fabrikaren urteurrena…

Orain kudeaketa hobetu asmoz webgune honetara bideratu beharko dira eskaerak, gaurtik aurrera menu nagusian dago ekipoari dagokion orrialdea.

Mugikor bidez ere egin daiteke eskaera:

Egokitzeko aukera

Ekitaldi mota desberdinetara egokitu daiteke ekipoaren tresna gehiago edo gutxiago erabilita eta potentzia nahikoa dauka Plaza Haundi osoan ozen entzuteko; Hitzartzeak, kontzertu akustikoak, hitzaldiak, musika jartzea…

Material ugari

4 Bozgorailu (1000W bana), eskuzko, harigabeko eta diadema mikrofonoak, nahasketa mahai desberdinak, audio eta bideo kableatua…

Teknikaria aukeran

Ekipoko tresnak suelto eskatu daitezke eta norberak erabili baina ekipo osoa erabili behar denean ezagutza gehiago behar duen pertsona bat behar da, kasu hauetan teknikari bolondres baten laguntza eskatu daiteke. Eskaria egiteko unean adierazi behar da.

Mantenua ordaintzeko alokairua

Gauza guztiak bezala denborarekin ekipoak apurtu egiten dira eta konpondu edo berriak erosi behar dira, mantenu lan hauetarako dirua apurka bildu asmoz erabilera kobratu egiten da gehienetan. Betiere prezio arruntak baino askoz merkeagoak izango dira, ia sinbolikoak: Doan / 5€/ 10€ / 20€ / 50€. Prezioa ezartzeko honakoak izango dira kontutan; eragilearen egoera, material kopurua, alokatze denbora eta teknikaria barne badago.

Lagundu nahi?

Soinu ekipoekin esperientzia duten bolondresak behar ditugu oso noizbehinka ekipo hau muntatzeko auzoan. Animatuz gero idatzi kontaktua atalean mesedez.

Eskaria egiteko bete ezazu beheko inprimakia eta zurekin kontaktuan jarriko gara. Eskariak zenbat eta aurrerapen handiagoarekin hobe..!