KUADRILEN BAZKARIA (IRAILAK 18an)
abuztuak 4, 2021 | Porrontxo Jaiak
Aupa koadrilak, zer moduz doa dena?
Dagoeneko, zuetako gehienok, jakinaren gainean egongo zaretela suposatzen dugu, baina horrela ez balitz, jakin aurten Porrontxoak bestelako formatu batean abiarazteko asmoarekin gabiltzala lanean jo ta su.
Pandemiaren egoerak baldintzatuta, aurtengo Porrontxoen oinarrizko egitarau bat osatu da. Bertan ekitaldi kulturalak nagusi diren arren (kontzertu eta emanaldiak) badago ekintza zentral bat, denongatik (historikoki) oso maitea dena. Koadrilen bazkaria (afaria zena, eguerdira pasa dugu).
Koadrilen bazkariaren harira zenbait moldaketa eta proposamen egin dira. Hartu diren erabakiak jakinarazi eta gaiaren inguruko guztia aparteko mezu batean bildu eta bidaltzea erabaki dugu. Mezuan puntu nagusiak laburtu ditugu, atxikitutako dokumentuan berriz azalpen guztiak sartu dira.
Laburpena, nola doa Koadrilen Bazkariaren kontua?
- Koadrila bakoitzak bazkarian izena eman beharko du, joango diren kideen zenbakiarekin batera. Mesedez, saiatu ahalik eta zehatzenak izaten. Aforoarekin sustorik ez hartzearren, beti ere.
- Izen emate epea abuztuaren 12an amaituko da. Adi beraz!
- Koadrila bakoitzari dagozkion tiketak iraileko batzarrean salduko zaizkio. Prezioa 12-15€ artean izango da, izan ere, katerin bat izango da.
- Tiketak modu presentzialean jaso beharko dira, koadrilaren batek ezin badu agertu beste koadrila edo ezagun bati laguntza eskatzea.
- Batzarrean adostu bezala, bzkarian bildutako irabaziak auzokideen epaiketen gastuei aurre egiteko erabiliko dira.
Edozein zalantza/kezka gure emaila eskura uzten dizuegu. Besterik gabe, jaso gure agur beroenak eta GORA PORRONTXOAK eta GORA EGIA!
Porrontxoetako Jai Batzordea
_______________________
—BAZKARIRAKO AFOROA BETETA DAGO—
(Abuztuaren 12an eguneratua)
