Gora Egia! Mastodonen dago

Webguneko albisteak zabaltzea helburu, gure txokoa egin dugu Mastodon sare sozialean:

https://mastodon.eus/@goraegia

Mastodon Twitterren antzeko sistema bat da, baina aipagarriena zera da, ez dagoela multinazional handirik proiektuaren atzean. Software librearekin egina dago eta euskaraz erabili daiteke erabat, mastodon.eus eta mastodon.jalgi.eus-eko komunitateetan.

Beste sare sozialekin alboratuta oso auzokide gutxik erabiltzen du baina bertan gure edukiak zabaltzea oso garrantzizkotzat jo dugu, honela alternatiba euskaldun, aske eta burujabe bat bultzatzen hasiko gara. Zentsura eta erabilpen komertzial eta politikoetatik salbu egoteko bidean Mastodon erabiltzen hastera animatzen zaituztegu!

Gaurtik aurrera webgune azpiko sare sozialetako ikur/esteken artean Mastodonena ere egongo da.

Jarraian mastodon.eus orritik galdera-erantzun batzuk ekarri ditugu:

Zer da Mastodon?

Mastodon sare sozial federatu eta libre bat da.

Zer da federazioa?

Federazioa deszentralizazio mota bat da.

Deszentralizazio maila	Adibideak	Azalpena
Zentralizatua	Twitter, Facebook, Instagram	Zerbitzu erabat zentralizatuak dira. Erabiltzaile guztiak instantzia bakarrera konektatzen dira. Instantziaren jabea den enpresa edo erakundeak du kontrol osoa.
Federatua	E-maila, XMPP, Mastodon	Elkarren artean komunikatu daitezkeen hainbat instantziak esatutako sarea. Ez dago erdigune bakarra, maila bereko erdigune asko baizik. Instantzia bakoizak bere arauak jar ditzake. Erabiltzaileak zein instantzia erabili nahi duen hautatu dezake edo bere propioa sortu.

Zer da instantzia bat?

Federazioaren parte den zerbitzari bakoitzari instantzia esaten zaio. Instantzia bakoitzak bere arau propioak ditu.

Elkarren artean konektatutako milaka instantzia daude. Batzuk erabilera orokorrekoak dira, beste batzuk hizkuntz komunitate baten inguruan sortuak, badira gai edo afizio baten inguruan sortutakoak ere. Edozein kasutan, lasai, elkarren artean federatuta daudenez beste instantzietako erabiltzaileak jarraitu eta haiekin komunikatzeko aukera izango duzu eta. Nahi izanez gero kontu bat baino gehiago sor ditzakezu instantzia desberdinetan.

Elkarren artean konektatutako milaka instantzia daude. Batzuk erabilera orokorrekoak dira, beste batzuk hizkuntz komunitate baten inguruan sortuak, badira gai edo afizio baten inguruan sortutakoak ere. Edozein kasutan, lasai, elkarren artean federatuta daudenez beste instantzietako erabiltzaileak jarraitu eta haiekin komunikatzeko aukera izango duzu eta. Nahi izanez gero kontu bat baino gehiago sor ditzakezu instantzia desberdinetan.

· mastodon.eus euskararen eta euskal kulturaren komunitatearentzat sortutako Mastodon sare sozialeko euskarazko instantzia da.