Gora Egia! (EBA32)

Aurten Porrontxo Jaiekin aliantza garrantzitsu bat egin dugu eta jaien gunea (porrontxojaiak.goraegia.eus) sortu dugu gure webgunearen barruan. Honela kuadrilek argitaratutako albisteak bi guneetan ageri dira eta gure sare sozialetatik eta Telegram kanaletik zabaltzen ditugu. Trukean gure logoa ageri da Porrontxotako karteletan babesle gisa eta txosnan tonbola bat jarri genuen mozorrotzeko materialarekin. Beste eragileei ere eskaintza berdina egiten dizuegu, zuen webgunea eraikiko dizuegu dirurik eskatu gabe!
Bestetik, martxoan eragileen eskura dagoen soinu ekipoaren eskaera orria martxan jarri genuen, eta irailean gure irudi berria aurkeztu genuen Atotxa dorrea baliatuz! Gogoratu auzokideek iritzi, deialdi eta albisteak argitaratu ditzakezuela eta guk zabalduko ditugula. Zenbat eta eduki gehiago bidali, geroz eta erakargarriagoa izango da webgunea eta arreta handiagoa lortuko duzue!

(Egia Bizirik Aldizkaria 32)