Ongi etorri eskolara (EBA32)
abenduak 27, 2022 | Egia Bizirik
(Egia Bizirik Aldizkaria 32)
Egia auzoan 2016tik dagoen Ongi Etorri Eskolara proiektuak 2022an ere lanean jarraitu du, auzoko familien arteko kulturarteko harremanak sustatzeko eta hezkuntza-komunitatean kulturartekotasuna bultzatzeko Aitor ikastolan, Zuhaizti eskolan eta Maria Reina eskolan.
Aurten, hainbat esku-hartze egin dira Egia auzo inklusiboa izan dadin. Horretarako, beste herrialde batzuetatik auzora iritsitako familiak tokiko familiekin harremanetan jartzen dituen Familia Laguna programaz gain, guraso eta irakasleen formakuntzak, auzoko hiru eskolekin “Gure lurra” ekimena, “Mila kolore” programa edo auzoko familientzako Egiako baliabideen gida 5 hizkuntzatan egin dira. Honekin batera, Irutxuloko Hitza-rekin lankidetza-ekimen berri bati ekin diogu, kultura-aniztasuna prentsan ikusarazteko. Ekimen hau Egia auzoko artikuluarekin hasi da: “Argi nuen Egian ireki behar nuela denda; hemen bizi gara gu”.
Egia Bizirik
Egiako Auzo Elkartea